780 лет назад произошло Ледовое побоище

780 лет назад произошло Ледовое побоище

780 лет назад, 5 (12) апреля 1242 года, на Чудском озере произошло Ледовое побоище. Русское войско под командование князя Александра Ярославича Невского одержало победу над немецкими рыцарями Ливонского ордена. Самые подробные из дошедших до наших дней описания сражения на можно найти на страницах «Жития Александра Невского» и русских летописей. Наиболее ярко Ледовое побоище представлено новгородском летописании.

В Архиве СПбИИ РАН хранится Комиссионный список Новгородской первой летописи  —  один из основных памятников новгородского летописания, содержащий ценнейшие сведения об истории Русского государства. Эта рукопись была оцифрована в рамках научного проекта «История письма европейской цивилизации».

Недавно в Великом Новгороде открылась выставка, на которой единственным экспонатом стала рукопись Новгородской первой летописи.

На виртуальной выставке одного документа экспонируются страницы с описанием битвы из Комиссионного списка Новгородской первой летописи, хранящегося в Научно-историческом Архиве СПбИИ РАН.

В этой летописи подробно описаны происходившие на новгородской земле военные события 1242 г.

«В лѣто 6750 [1242]. Поиде князь Александръ с новгородци и с братомъ Андрѣемъ и с низовци на Чюдскую землю на Нѣмци в зимѣ, в силѣ велицѣ, да не похвалятся, ркуще: «укоримъ словеньскыи языкъ ниже себе»; уже бо бяше Пьсковъ взят, и тиюнѣ их посаженѣ. И князь Александръ зая вси пути до Плескова; и изгони князь Пьсковъ, и изима Нѣмци и Чюдь, и, сковавъ, поточи в Новъгород, а самъ поиде на Чюдь. И яко быша на земли, пусти полкъ всь в зажитья; а Домашь Твердислалиць и Кербетъ быша в розгонѣ, и убиша ту Домаша, брата посадница, мужа честна, и иных с нимь избиша, а иных руками изимаша, а инѣи къ князю прибѣгоша в полкъ. Князь же въспятися на озеро; Нѣмци же и Чюдь поидоша по нѣх. Узрѣвь же князь Александръ и новгородци, поставиша полкъ на Чюдьскомъ озерѣ, на Узменѣ, у Воронья камени; и наступиша озеро Чюдское: бяше бо обоих множество много. Бяше бо ув Олександра князя множество храбрых; якоже древле у Давыда цесаря силни крѣпци, такоже мужи Александрови исполнишася духа ратна, и бяху бо сердца имъ акы лвомъ; и ркоша: «о, княже нашь честныи и драгыи, нынѣ приспѣ время положити главы своя за тя». Князь же Александръ, въздѣвъ руцѣ на небо, и рече: «суди, боже, и расуди прю мою от языка велерѣчьна. Помози ми, господи, якоже древле Моисиеви на Амалика и прадѣду моему Ярославу на оканьнаго Святополка». Бѣ бо тогда день суботныи, въсходящю солнцю; и наихаша полкъ Нѣмци и Чюдь, и прошибошася свиньею сквозѣ полкъ, и бысть ту сѣча велика Нѣмцом и Чюдѣ, трускъ от копии ломлениа и звукъ от мечнаго сѣчениа, яко и морю померзъшю двигнутися и не бѣ видѣти леду: покрыло все кровию. Се же слышах от самовидца, и рече ми, яко видѣх полкъ божии и на въздусѣ пришедшии на помощь Александровѣ. И побѣди я помощью Божиею и святои Софѣи и святую мученику Бориса и Глѣба, еюже ради древле крови прольяша; и Нѣмци ту падоша, а Чюдь даша плещи; и гонящися билѣ на 7 веръстъ по леду до Соболичькаго берега; и паде Чюди бещисла, а Немѣць 500, а иных 50 руками яша и приведоша в Новъгород. А бися априля въ 5, на память святого мученика Феодула, на похвалу святыя Богородица, в суботу. Здѣ же прослави Богъ Александра пред всѣми полкы, яко Исуса Навгина у Ерихона. Они же рекли: «имемъ Александра руками»; и сих дасть ему богъ в руцѣ его, и не обрѣтеся противникъ ему во брани никогда же. Възвративъ же ся Александръ съ славною побѣдою: бяше бо полона множество в полку его, и ведяху их подлѣ конь, иже именуються Божии рыторѣ. Яко приближися князъ Александръ къ граду Пьскову, и стрѣтоша его многъ народ, а игумены и попове в ризах такоже срѣтоша съ кресты и пред градом, поюще славу господню князю Александру: «пособивыи господи кроткому Давыду побѣдити иноплеменникы, и вѣрному князю нашему оружьемъ крестънымъ свободити град Пьсковъ от иноязычных рукою Александровою». О невѣгласии пьсковици, аще се забудете до правнучатъ Александровъ, уподобитеся жидомъ, их же препита Господь в пустыни крастели печены, и сии всѣх забыша Бога своего, изведшаго из работы египетскыя. И нача слыти имя Александрово по всѣм странамъ, и до моря Хупожьскаго, и до горъ Аравитьскыхъ, и об ону страну моря Вяряжьскаго, и до самого Рима. Того же лѣта прислаша Нѣмци с поклономъ: «безъ князя что есмя зашли Водъ, Лугу, Плесковъ, Лотыголу мечем, того ся всего отступаемъ; а что есмя изъималѣ мужь ваших, а тыми ся розминимъ. мы ваши мужи пустимъ, а вы наши пустите»; и таль плесковьскую пустиша и умиришася».

Архив СПбИИ РАН. Колл. 11 (Коллекция рукописей Археографической комиссии). Д. 240. Л. 165 об.–167.

Выставку подготовил ст.н.с. Н.В. Башнин

© При перепечатке или использовании материалов виртуальной выставки указание в качестве источника информации Санкт-Петербургский институт истории РАН и авторство составителя материала обязательно.

Фрагмент Комиссионного списка Новгородской первой летописи с текстом о Ледовом побоище

Архив СПбИИ РАН. Колл. 11 (Коллекция рукописей Археографической комиссии). Д. 240. Л. 165 об. — 166

Фрагмент Комиссионного списка Новгородской первой летописи с текстом о Ледовом побоище

Архив СПбИИ РАН. Колл. 11 (Коллекция рукописей Археографической комиссии). Д. 240. Л. 166 об. — 167

Comments are closed.

Яндекс.Метрика